壹傳媒老闆黎智英嘅政治捐款醜聞成為城中焦點,廉政公署前日已就此展開搜查行動,並陸續向涉案者取證,否認曾收過肥佬黎捐款嘅公民黨立法會議員毛孟靜對此反應頗激,日前質疑廉署呢個時候展開調查係針對政改,將政治捐款扯上勾結外國勢力,企圖轉移視線,仲話呢啲係政治迫害喎。不過,佢咁樣質疑廉署,卻惹嚟反彈。

同屬公民黨員、曾任廉署總調查主任嘅大律師查錫我隔日就話,唔認同廉署是在政改敏感時刻執法,又話,何謂敏感時刻難有定義,不相信廉署今次行動存在政治因素,呼籲各界維護廉署的獨立性。呢番說話無異於大義滅親,狠摑阿毛一巴。事實係政治捐款件事曝光多時,廉署採取行動都係跟足程序啫。更何況,政治迫害呢啲台詞,過去喺捲入貪瀆醜聞嘅台灣前總統陳水扁口中就聽得多,依家毛孟靜又出此言,市民會點諗呢?

第一手消息請下載on.cc東網iPhone/iPad/Android/Windows Phone Apps