黃埔：212脫班 九巴賴車長缺勤
巴士又再脫班！往來黃埔花園與深水埗東京街的212不乏搭客，惟班次脫班問題亦被指極為嚴重，令經常乘搭212線的吳小姐大感不滿，「傍晚時分明明十五分鐘一班車，但永遠等成二十分鐘以上都冇車，逼住企喺條街度吸廢氣，唔嬲就假！」
往來黃埔花園與深水埗東京街的212被指經常脫班，惹來乘客不滿。
九巴發言人解釋，有關路線逢星期一傍晚時分為十五分鐘一班，根據上述所指日期的行車紀錄，顯示當日有一位車長臨時缺勤，以致服務受到影響，強調站長已作出車務調動，安排繼後班次提早開出疏導乘客，並會繼續留意有關班次服務情況，在資源許可下會靈活調動班次，以配合乘客需要。
「唔係車長臨時缺勤就係塞車，呢啲藉口都聽到厭晒喇！」吳小姐認為，九巴為服務市民的公營機構，理應以「服務為先，賺錢次之」，要求該公司從速檢討及改善。
