商場商店放滿紙紮用品，又布置成靈堂一樣，對商戶及到訪的人有何影響？堪輿學家指，相關布局或會招來遊魂野鬼，為附近商戶帶來不幸，提議商戶放置凸鏡或龍形擺設，辟邪擋煞。

「紙紮公仔本身帶有陰氣，加上間舖布置到好似靈堂咁，好容易招惹到附近嘅遊魂野鬼，特別係怨氣比較重嘅惡靈。」堪輿學家方海閱指，店舖一旦招來鬼魂，會對附近商戶帶來惡運。

他表示，商戶要減低影響，可於舖內放置凸鏡，亦可於門面擺放龍或貔貅形的擺設，「龍同貔貅都係傳說中嘅神獸，有驅邪、降魔伏妖嘅能力，放置佢哋形象嘅擺設，有辟邪嘅效用。」而經常於商場出入的人，則可佩戴玉器或黃水晶擋煞。

第一手消息請下載on.cc東網iPhone/iPad/Android/Windows Phone Apps