城中鏡：邱李茂琪赴紐約陪囝囝開學
暑假即將結束，莘莘學子都要收拾心情，準備應付新學年。溥儀眼鏡行政總裁邱子傑同太太Margaret邱李茂琪嘅十四歲大仔Julian亦已出發赴笈紐約。邱氏一家向來同心，前日他們便舉家飛紐約，實行陪Julian一齊開學。Margaret話：「Julian讀嗰間high school好難入，所以我哋全家出動，陪佢過去開學。」
嫲嫲邱楊寶春（前排右二）都有出席Julian嘅歡送大會，三代人玩得不知幾開心。
邱李茂琪陪大仔Julian去紐約開學。
據知該校專出英才，前美國總統約翰．甘迺迪（John F.Kennedy）亦曾喺呢間學校畢業，難怪邱氏一家如此隆重其事。出發前Margaret更為Julian舉行咗一個歡送派對，全家人包括Julian嘅嫲嫲邱楊寶春都有出席，三代人完全冇代溝。
