原來今日就係恒生銀行傳訊及可持續發展總監Walter張樹槐,喺恒生做夠二十年嘅大日子。

張樹槐話好榮幸可以同恒生銀行前董事長利國偉共事過。(資料圖片)

人稱「水哥」嘅Walter已經服務咗恒生二十載,佢專登寫咗篇Email,以「感恩及感謝」為題。之後當然不忘憶述吓工作上嘅難忘事啦。

Walter出名鍾意跑馬拉松,同時亦已「跑」過晒香港金融業嘅高低起跌,好似九七亞洲金融風暴及○八年金融海嘯,可謂見慣風浪。佢話好榮幸喺佢呢段職業生涯入面,曾經同恒生五位行政總裁同四位主席共事過,包括業界尊敬萬分、舊年辭世嘅著名銀行家、恒生銀行前董事長利國偉。當然佢仲好多謝共事多年嘅團隊啦。

佢喺最後仲贈咗名為「巴打&絲打」兩句聖經金句:「我要向山舉目;我的幫助從何而來?我的幫助從造天地的耶和華而來。」

第一手消息請下載on.cc東網iPhone/iPad/Android/Windows Phone Apps