北大人就香港政改落閘，本屬早已「一錘定音」、神仙難變之事實，只是一群天真的「溫和中間派」仲以為有數講，自我感覺良好的整出啲乜乜名為「十九幾學者」之類嘅「十九方案」嚟上書中央，真幼稚無倫！乞呀？求吖？定係「博好感」？

淨係睇吓香港區那棚人大政協老左土共的意氣風發嘅嘴臉，便知同佢哋「講道理」就等如係多春餘o架啦！

有說政務司司長林鄭的政改姊弟三人組，確係好勤力的四圍撲，收集意見喎！唉！佢哋為個人聲望、形象、前途而焗做的大龍鳳啫！呢三條友仲以為自己可以更上一層樓！真為你香港？哈哈！咪咁白癡啦！

幾年前，有香港記者跑去美加，訪尋八九民運的流亡人士。有個被中共通緝的學生領袖逃到美國後讀法律，做了當地律師。

他現今最大的客源，乃係中國的土豪貪官，他們將妻兒親屬晨早送走，剩下隻身留在大陸繼續掠水，做個「裸官」。

裸官話唔知幾時輪到自己落鑊，而身份職務敏感，不能話走就走，惟有安排家眷挾巨款先行，以策安全也！

早前，有調查指出，乾是在美國洛杉磯的中國大陸移民嘅「投資額」，已有數百萬億矣！嗱！睇清楚呀！係「百萬」個「億」呀！

當家中起火，仲靠屙屎都無力嘅小水滴去撲救？開玩笑吧！同樣，靠那些有頭家在外國的傀儡庸官為你爭取權益，咪咁白癡啦！

咁！依家點算？我等蟻民又無錢移民，點知點喎！唯一可做的只可大叫：「中國共產黨好偉大」囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps