有機構涉嫌違反地契，於工廈經營託兒及功課輔導服務，由於工廈或存放工業用化學物，一旦發生火警，學童恐走避不及。可惜地政總署署長甯甯懶懶閒，李衞就約佢喺工廈前傾傾。

李衞︰你睇！喺啲工廈入面託兒，點叫人安心？

甯甯︰哦，我睇到喇。

李衞︰咁仲唔做嘢？一碌木咁企喺度！

甯甯︰我咪做緊嘢囉，咪煩我！

李衞︰人呢？你一條友可以做啲咩？

甯甯︰呢啲嘢，我一個人就搞得掂，唔使叫人。

李衞︰唔好再hea答我喇！

甯甯︰機構涉嫌違反地契，喺進一步行動前，梗係要（目及）到實，我依家咪金睛火眼咁望住囉！

李衞︰@#$%^&*

第一手消息請下載on.cc東網iPhone/iPad/Android/Windows Phone Apps