屯門望後石污水處理廠日前發生故障，導致大量污水直接排出大海，搞到十四個泳灘要關閉，經環保署化驗水質達到可接受水平後喺前晚重開。渠務署署長鍾錦華延誤公布事故不特止，仲被揭發喺今年五月先起好嘅天價污水廠改善工程不堪一擊，竟然四個隔篩一齊斷鏈，令人懷疑係豆腐渣工程。依家改善水質變咗污染水質，仲危害市民嘅健康，鍾錦華都唔知喺度做緊乜，真係要兜巴星佢落海，等佢親身感受吓市民之苦。
鍾錦華
