房屋署早前拋出搶地起屋新方案,話喺東涌興建一千個居屋單位,喺屯門起十一幢公屋共八千個單位,又話喺梅窩再起六百八十個居屋單位,三塊地加埋大大話話都有成一萬七千個單位,可見運輸及房屋局局長張炳良真係好着緊去起屋,以紓緩基層市民嘅住屋需求。但係衰在東涌嗰幅係蚊型地,仲要發展局「波波」陳茂波嗰邊去改變土地用途先開得波,仲要搞埋社區配套,都唔知要搞幾耐,呢勻真係要睇張炳有幾大牙力,推得郁波波做嘢嘞!

張炳良

第一手消息請下載on.cc東網iPhone/iPad/Android/Windows Phone Apps