就快又到人月兩團圓嘅中秋節，大家買咗月餅未呢？而好多區議員就喺呢段時間忙於向街坊派月餅，其中建制派坐擁無限嘅資源，當然喺愈派愈有啦，但相對缺乏資源嘅泛民主派，就只得個恨字嘞！

趙恩來將荃灣區內部分區議員派月餅嘅資料列喺海報上。（互聯網圖片）

不過，窮則變、變則通，已過檔工黨嘅立法會議員田北辰前助理Loy趙恩來，近日就將荃灣區內部分區議員派月餅嘅資料詳列喺宣傳海報上，不但有晒時間同地點，仲寫明有乜嘢附帶條件，例如人民力量同工聯會都針對六十歲或以上嘅長者，而新民黨除咗要用身份證登記外，仲要帶埋住址證明至得。

阿Loy咁搞法，莫非想借其他區議員嚟宣傳自己，同時又想借班街坊食窮人哋？

第一手消息請下載on.cc東網iPhone/iPad/Android/Windows Phone Apps