西非伊波拉疫情大爆發，香港嘅衞生部門一直對入境非洲旅客採取較寬鬆嘅防疫措施，只係派吓宣傳單張同呼籲港人唔好去有關疫區，做法被轟易惹惡疫入港。不過，前日食物及衞生局局長高永文卒之啟動伊波拉病毒三級應變計劃，睇齊新沙士即時進入戒備狀態。政府喺防伊疫上後知後覺，希望喺繼後嘅防疫工作上積極啲，緊貼疫情變化，唔係香港就大劑嘞！
