政壇：格羅斯辦公室捉蟲休息

格羅斯旗下嘅Pimco嘅紐約辦公室畀蟲蟲入侵，呢款叫吸血臭蟲嘅蟲蟲，原來一直肆虐紐約。Pimco發言人話喺發現呢啲臭蟲之後，佢哋搵咗滅蟲專家，進行熏蒸滅蟲嘅行動。另外，為咗保障員工嘅健康同維持公司嘅環境衞生，Pimco宣布所有員工都唔使返公司做嘢。嘩，咁好，好似放咗幾日假咁，Pimco員工應該封咗啲吸血臭蟲做英雄喇。

不過，發言人又話今次嘅事件並唔罕見，紐約市一直都諗緊辦法同呢種吸血臭蟲搏鬥。其實受害嘅真係唔止Pimco，喺兩個禮拜前，紐約地鐵車廂入面都發現呢啲臭蟲嘅蹤影，而喺四年前，Victoria Secret's位於曼哈頓嘅舖位都有同樣問題，要暫停營業，睇嚟要杜絕呢隻小昆蟲嘅出現絕對唔係一件容易嘅事。