四十多名立法會議員尋日去咗深圳出席政改座談會，但議員「田二少」田北辰就去咗加拿大探親，尋日仲喺社交網站大晒溫馨，話同「皇帝座VIP」遊楓葉國。究竟邊個坐皇帝座咁巴閉？咪係佢剛滿月嘅孫女囉。田二少除咗上載一張喺機場等上機時拎住一個載有孫女嘅BB籃相片，仲上載一張在飛機上攬住孫女瞓覺嘅相片添！

田北辰飛往加國途中，在飛機上攬住孫女瞓足全程。（互聯網圖片）

田二少話每年八月最後兩個星期都一定會放假，陪太太飛去加拿大探外母，所以今年都唔例外，但帶埋佢三女嘅滿月囡囡一齊飛。佢又話女兒咁孝心，令佢倍感欣慰，而第一次搭飛機嘅孫女又奇迹咁瞓足全程，所以孫女咁聽話，相信以後外公可以帶孫女遊遍世界咁話。

第一手消息請下載on.cc東網iPhone/iPad/Android/Windows Phone Apps