城中鏡：葉慶寧撐個人遊不應限人數
中港矛盾愈爆愈多，仲記得全國人大委員長張德江曾喺今年三月初，高層指示港澳辦同國家旅遊局等中央部門，聯同特區政府調查香港嘅旅客容量問題，期間商務及經濟發展局局長蘇錦樑仲專程飛過上北京，向內地當局提出將「一簽多行」政策收緊為「一年最多五十二行」，但至今前後五個月都冇乜實質進展，而佢就解釋話唔係拖字訣喎！
葉慶寧認為若個人遊人數減少，會影響零售市道。（資料圖片）
零售業界日前發表對本港經濟貢獻評估報告，擔心削減內地個人遊旅客影響收益，或者影響一百二十萬從業員嘅生計。
香港旅行社東主協會會長葉慶寧尋日喺大氣電波話現階段毋須限制個人遊人數，旅客來港消費只係為咗開心，相信只要港人同內地人互相遷就就唔會有問題嘞。
葉慶寧又話自從內地開放個人遊後，來港消費嘅內地客增加，若個人遊人數減少，會影響零售市道，如果為個人遊人數設限，必定衝擊香港嘅經濟。
