【互聯網】「一日為師、終身為父」，民協主席「老虎仔」廖成利將呢句說話發揮得淋漓盡致。老虎仔尋日喺社交網站上載咗幾張合照，話早前同小學老師楊Sir及師母（圖右及左）飲茶，原來老虎仔一九七一年喺橫頭磡二十三座天台嘅宣恩小學讀書，楊Sir當年教佢數學同體育科。佢哋飲完茶似乎意猶未盡，老虎仔仲請埋兩人上佢屋企「虎穴」食飯，相中仲見到老虎仔攞起結他自彈自唱，難怪佢感嘆話：「那些年啊，往事如煙！」
廖成利（中）（互聯網圖片）
