市民舉報貪污投訴持續下跌，皆因查雙貪查咗咁耐都未落鑊，對老廉失去信心，令人懷疑到老廉投訴的成效有幾多。李衞睇唔過眼，去搵廉政專員六六傾吓呢個問題。

李衞：查咗雙貪咁耐都冇進展，搞到市民對你哋冇晒信心！

六六：唔係，調查呢啲嘢要慢慢嚟，點急得！

李衞：一味喺度拖，咪令市民更加失望，更加唔願意舉報！

六六：冇人舉報咪仲好！

李衞：好？佢哋驚你hea查呀！仲唔檢討吓？

六六：我哋不嬲公正辦事，何hea之有！

李衞：唉，咁真係冇眼睇喇……

六六：應該向好方面諗，其實係貪污情況改善咗，咪少咗人投訴咯，都唔明你哋擔心啲乜！

李衞：唉，咁咪即係隻眼開隻眼閉咯……

第一手消息請下載on.cc東網iPhone/iPad/Android/Windows Phone Apps