「有人覺得賣咁平會蝕，但我就睇準呢個商機，逆市而行。」

曾先生售賣便宜的小食，如十元三底的雞蛋仔，盼險中求勝。

該小食店以廉價著稱，經常可以看到舖面出現人龍。

曾先生從加拿大回流本港，對港式街頭小食有情意結。

曾先生的小食店，生煎包及葱油餅皆只售十元四件，吸引了不少客人。

今時今日，拿着十元，買到多少街頭小食？一間位於荃灣的小食店告訴顧客，十元可買到三底雞蛋仔或者三碗豆腐花，甚至是四件生煎包。「我哋開得呢個價，就係計過唔會蝕。」該小食店的負責人曾先生於數年前由加拿大回流本港，驚覺香港街頭小食的價格驚人，「小食本屬平價，但近年連小食都不斷加價，老實講，只要肯平賣，就會吸引更多顧客，薄利多銷。」曾先生在近月才開舖，未知成敗，只求為港人帶來廉價小食。

物價通脹，店舖紛紛加價求存，但曾先生的小食店成為逆市奇葩。甫踏進荃灣某屋苑街市，就見到一間小食店，門戶張貼了「十元三底雞蛋仔、十元三碗豆腐花、十元四件生煎包、十五元兩盒章魚小丸子」等價目紙牌，看罷價錢，令人不禁懷疑:「係咪真係咁平？」

「頂爛市」險中求勝

「真係咁平！有人覺得賣咁平會蝕，但我就睇準呢個商機，逆市而行。」曾先生與友人在今年五月，於荃灣開設港式小食店，以低價作主打，有人覺得此舉是「頂爛市」，但曾先生卻希望險中求勝。

曾先生從加拿大回流本港，對港式街頭小食存情意結，但對着眾多小食，卻只能望門興嘆，未敢購買，「依家出街，買幾款小食已經要三、四十蚊，價錢同正餐差唔多，仲邊有人敢買！」念頭一轉，他想到能夠以超低價售賣小食，薄利多銷。「小食店嘅固定成本係人工、舖租等。以雞蛋仔為例，賣一底、兩底、三底，其中成本差別只係用多啲粉漿，所以差別不大。我就以十蚊賣三底，人哋十蚊賣一底，如果我能夠吸引多幾倍客人，已經賺多過佢哋。」

的確，小食店非常旺場，在平日下午兩、三點，幾乎每分鐘也有三至四名顧客，「最忙係下午六、七點放工時間，要五個人係舖面先搞掂。最緊要係快手，至能夠吸納更多客人。我呢度做街坊、熟客生意，唔少客人同我講，出面啲小食賣得太貴，唔捨得買，所以返嚟幫襯我。」

重視材料絕不欺場

「亦有人懷疑我哋賣得咁平，驚係用咗平價劣質料，其實，我哋用足料，絕無欺場。」曾先生指出，雞蛋仔的麵粉是由香港製造，而製造豆腐花及豆漿的黃豆，則來自加拿大，「最緊要係整出嚟好食。」

雖然有不少網民讚揚其小食店售價夠便宜，但是亦有人指其雞蛋仔「用料少、全空心」。曾先生坦言，「聽過有人話我啲雞蛋仔空心薄皮，我相信係因為有時太趕、做得太快所造成，現已盡量改善。」