立法會議員陳婉嫻尋日現身開會時，一向打扮正經嘅佢竟然戴住副太陽眼鏡。雖然有型有款，但喺議會裏面戴黑超，會唔會畀人話唔尊重呢？大家想影相時，嫻姐即時叫停，不過，係叫大家唔好開閃光燈啫，原來佢啱啱做完白內障手術，所以先要黑超上陣。

嫻姐尋日戴住黑超出席立法會會議，但型格背後原來有苦衷。

嫻姐話佢都有定期去檢查雙眼，呢兩年就發現左眼有白內障問題，最近睇文件成日都頭暈暈。醫生建議佢做手術，所以星期一佢已經做咗手術，前日拆紗布，但暑假中立法會都有一啲委員會會議，尋日佢都逼住戴「黑超」上陣，事關眼睛唔可以受強光刺激。

第一手消息請下載on.cc東網iPhone/iPad/Android/Windows Phone Apps