竊聽係今年國際政壇同外交層面嘅一單醜事，德國總理默克爾飽受竊聽之苦，成為最大受害人，曾大聲話過「監聽盟友要不得」！最近默克爾換咗部新款嘅黑莓Blackberry智能手機。黑莓手機過往係唔少公司派畀員工嘅聯絡工具，聲稱較保密。不過近年iPhone當道，搞到黑莓日漸被人遺忘，就連奧巴馬政府都話要棄用佢哋。

默克爾

但德國內政部就宣布，黑莓係唯一符合佢哋安全標準嘅手機，推薦更多政府官員使用。發言人Tobias Plate話，該部門買入咗三千部新款黑莓智能手機，兼且做埋加密手腳，而且仲用埋德國公司Secusmart技術。Secusmart會喺手機插入專門microSD卡，將機密訊息單獨存喺卡上，希望減低竊聽風險。不過，加密代價不菲，一套就要2,000歐元，即係超過兩萬港元，仲貴過一部手機。

第一手消息請下載on.cc東網iPhone/iPad/Android/Windows Phone Apps