政壇：工聯會唔熟書 險放生漏報議員

不具名舉報不受理

當日工聯會封聯署信中只以「多位議員」代替五名涉事議員，換言之，咁樣只係沒有具名舉報投訴對象，不符合《議事規則》中處理議員投訴嘅基本準則，委員會決定唔處理聯署信，幸好有另外十二封投訴電郵清楚指出投訴對象，如果唔係，險些「放生」咗五名涉事議員。

有份聯署嘅王國興事後解釋，該會未有使用投訴字眼，也沒有說明被投訴議員身份，因為全港市民清楚係邊個收取捐款。咁都得？佢事後又補充，不會再向委員會補交具名舉報聯署，又指由於事件涉及巨額款項，涉事議員可能愈揭愈多，加上委員會已同意跟進事件，聯署嘅目的已經達到喎。