SUN搞作:SUN官場現形記:黑心食品好出奇呀?
內地黑心食品疑攻港,有食店受牽連,不過負責把關嘅食安中心後知後覺,你叫李衞點可以唔搵食環署署長群群傾傾。
群群︰先生,做咩咁驚青?
李衞︰殺到嚟啦!仲唔做嘢?
群群︰要打仗?搵我做咩?即刻call駐港部隊啦!
李衞︰我話黑心食品又殺入香港!
群群︰哦,小事嚟啫,起碼雞肉都仲係雞肉,未係老鼠肉,而且大家食咗咁多年都無事。
李衞︰過期肉都係小事?咁咩先係大事?
群群︰強國有黑心食品是常識吧!反而佢無黑心食品就大件事,咁反常,到時真係要check真啲。
李衞︰@##$$%^&^