有食品供應商日前被揭發違規使用過期肉類同次品製成品供應畀大型連鎖快餐店，並更改保質期限。身為飲食業界嘅香港餐務管理協會主席楊位醒尋日出席一個分享會時話，目前食品供應商多以聯營方式經營，好多工序都係外判，平日佢哋食肆嘅買手入貨時都會非常謹慎，仔細檢驗清楚貨源品質及證書，並留意來源產地等，但如果供應商有心偽造品質證明書，佢哋都防不勝防喎！

楊位醒話加工肉類靠睇證書驗證質量，造假就防不勝防。

楊位醒話依家大型供應商外判部分工序係非常普遍嘅做法，承辦商在製造過程之中出問題，供應商都未必知道。一般嚟講，新鮮食材嘅質量比較容易檢測，但講到經過醃製或加工嘅食品就難以分辨，所以好多時連買手都要靠睇證書齊唔齊嚟確定。不過，如果連證書呢啲都有心造假嘅話，食肆亦好難避免，好在酒樓比較少用漢堡扒等加工食品，所以佢哋又唔太擔心。

第一手消息請下載on.cc東網iPhone/iPad/Android/Windows Phone Apps