社交界又傳來喜訊，已故本地著名時裝設計師俞儷軒二女Ingrid陳斯允同法籍老公、化妝品零售店嘅太子爺Thierry Mandonnaud造人成功，兩人滿心期待愛情結晶品出世，坦言會做working mum，但唔會假手於人，會同老公採取輪更制湊女，實行做到兼顧家庭與事業嘅新時代女性。

陳斯允同法籍老公會採取輪更制湊BB。（資料圖片）

Ingrid接受電話訪問時坦言同老公將為人父母，心情既緊張又興奮，佢話：「生BB係計劃，當我懷孕一刻，感到生命即將來臨，真係覺得好奇妙！」佢話預產期係十月，笑說:「同我同月生呀!」仲係B女嚟，追問會唔會再追仔時，佢又話：「睇我生完第一胎係點先，都未決定住！」佢話依家每日都做瑜伽，所以體重沒有暴升，仲話：「我重咗幾多磅？其實都唔係重咗好多，都係同原本咁上下體重。」

咁會唔會餵人奶？佢話：「餵人奶定奶粉睇我當時狀態而定，做媽咪，當然想給BB係最好，但唔會請坐月，因為我同老公會輪流湊，但應該會請工人幫手執頭執尾。」佢坦言產後唔會放棄工作，笑言：「我對工作充滿熱情，我唔會將呢份興趣工作放棄。」佢話老公熱愛滑水，屆時一定親自傳授女兒滑水秘技，又話：「我相信囡囡會成為"outdoorsy "natural" girl!」

第一手消息請下載on.cc東網iPhone/iPad/Android/Windows Phone Apps