SUN揭秘：急救家族隨時候命

一家之主陳達強是聖約翰救傷隊隊員，亦是退休交通警員。更特別的是，他們一家連同當日不在場的女兒，都持有急救證書，常總動員到救傷隊當值，或到各類活動場地擔任救護員。為何這家醉心急救工作？妻兒笑稱一切源於陳達強。

陳先生十多歲時，偶爾在街坊福利會學習急救課程，加入了救傷隊，至今接近四十年，即使婚後生兒育女，工作繁忙，依然堅持到救傷隊當值。陳太說：「為咗爭取見面，經常帶小朋友去探佢，救傷隊啲叔叔姨姨睇住我對仔女大。」耳濡目染下，子女自然地踏上「急救」之路。

長子Brian十六歲時，在暑假報讀急救課程，但想不到獲得證書後，即要嘗試救人。暑假完結後，Brian與妹妹Phoebe回英國求學，到達倫敦希斯路機場不久，兄妹發現機場空地上有團黑影，走近時發現有人重傷倒地，相信從高處墮下。Brian於是立即為傷者急救，而妹妹則負責報警，可惜傷者最終不治。

兄妹回到校園，某天校長將兩人喚到校長室，正當他們錯愕時，原來倫敦警方來到學校，為他們頒發嘉許獎。事件中，Phoebe則有另一種體會：「救人唔係為獎狀，係因為人命，當日一齊落機好多都係香港人，但佢哋不聞不問。」

香港人只係冇信心援手

願意伸出援手的人少，本港缺乏急救知識的教育嗎？陳先生並不贊同：「因為工作需要，其實香港好多人都有急救證書，只係冇信心去救人。」Phoebe亦回想首次為人急救的情況：「當時自己都好驚，唔知點開始，好彩屋企人喺身邊鼓勵我，我先冷靜落嚟，開始包紮傷口。」

東區走廊交通意外並非一家首次合作，他們經常拍檔，在公餘時間一同擔任救護員。不論體育比賽、大型派對，或是演唱會，都有機會看到他們蹤影，陳太更笑稱：「一齊去做急救，就係我哋嘅Family Day！」意外發生當日，一家正準備為單車賽事當值，幸運地身邊備有整套藥箱裝備，能為鐵騎士急救。

「救人時咩都唔會諗，快一分鐘得一分鐘！」一家齊心地表示，擔任急救工作多年，目睹多次嚴重意外，見證不少生死，但救護員最大的滿足感，莫過於救回一條生命。陳太說：「喺網上，見到嗰日傷者的親人話佢已經冇事，我哋睇到都好安慰，希望消息係真！」