乜嘢叫做「管理」呢？坊間充斥住不少乜乜管理學課程，乜叉「工商管理」、「財務管理」，甚至「人生管理」和「時間管理」，但係，縱觀香港，任何一個Field都亂七八糟，唔單只無王管，啲人連自己都管唔掂！好奇怪！唔知發生乜嘢事！

一間學校嘅好表現，唔係年年會考出幾多個五星星狀元，而係有個穩定優質嘅環境，畀學生靜心學習！

一間公廁的「成就」，唔係數人頭，多人「幫襯」，而係好似大地產項目咁，踎喺度都感受到「心曠神怡」先至成功嘛！家吓啲低能仔，成日以計人數多寡作得失的指標，此乃無知、淺薄囉！但卻可畀人利用上下其手！

兩日有四十萬人簽名的街頭活動，主管人白頭佬喜不自勝，高舉勝利手勢！

小道消息有傳，話今劑充滿水分的簽名表格，每張維穩費為港幣一百六十元；若以八十萬為基數，即一億二千八百萬；如傳言屬實的話，咁易執嘅無本生意，點會無人瞓身獻醜吖？

搵水都要講吓道德o架！收咗人錢，都好應該交足戲，做好啲場戲同管理吖！喂！阿豬阿狗，唔係香港人都嚟得簽名支持香港無篩選，咁邊有說服力呀？毋須經核實身份，又一早「扱」定核對印章，兼用盡「那渣」手段去氹文盲簽名，呢啲本來係做慣做熟o架啦！應好有經驗，但都仲畀傳媒影到喺公廁分水（維穩費），咁嘅「財務工商管理」好Q流啫！

當白頭佬都可以輕而易舉咁搵一億幾千萬時，原來係無科水畀番簽名者啫！喂！簽名前問番句有無維穩費，此乃你發聲的權利呀！填咗嘅，可追佢回水，都係你嘅權利！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps