SUN搞作：SUN官場現形記：活到老 做到老
延長公務員退休年齡惹爭議，有公僕話建議大細超，要「篩選」先可延任，但亦有消防處救護員話反對，指50幾歲時體力不足以應付工作，一齊睇吓救護員搵公務員事務局局長威威傾啲乜。
救護員：我哋壓力咁大，又要上山又要下海救人，仲要我哋做多幾年？
威威：梗係啦！你哋延遲退休可以紓緩退休潮嘛。
救護員：呢啲你自己諗辦法啦，況且我哋去到50幾歲時，都應付唔嚟o架！
威威：冇嘢話應付唔到，畀啲信心！
救護員：到時有心冇力，老弱多病，自己搞唔掂，仲話去救人？
威威：就係咁先要繼續做！
救護員：吓，點解？
威威：返工可以keep住練好啲體能、應變力，仲唔係保持年輕？咁仲有咩好驚？做到老都冇問題啦！
救護員：@%#^%#*@!!!!!
