城中鏡：唐貝詩設計手袋顯顏色
炎炎夏日，繽紛顏色大行其道，喺團購網站努力發展嘅寇鴻萍長女唐貝詩（Lydia）今夏都有新搞作，同一個品牌公司合作，擔任手袋設計師，佢嘅概念正係大玩顏色：「手袋一共有五個顏色，分別係黑、白、啡、粉紅、紅，全部都係好容易襯又好夏天嘅顏色，手袋運用PUV物料，有種光亮嘅感覺，唔會太實色，我仲建議加入一個鏡面掛牌，咁就可以方便女仔隨時照鏡。」
唐貝詩首次嘗試設計手袋，覺得好好玩。
首次投身新工作，佢覺得十分好玩，亦對自己嘅設計有信心，因為產品放上網後，唔少人都話鍾意，仲詢問喺邊度買，反應好，信心梗係爆棚。嚟緊佢妹妹唐貝欣亦會在牛津大學碩士畢業，Lydia舉家已決定赴英國參加妹妹畢業典禮，之後再乘郵輪歐遊兩星期。
