城中鏡：張新悅佗B湊女要發吓惡
離開政府轉職私人機構後，楊哲安陪太太嘅時間果然多咗，尋晚就見佢同懷着七個多月身孕嘅太太張新悅（Nicola）拍拖出席一個產品發布會，至今重咗二十磅嘅Nicola透露，預產期喺9月，但佢聽朋友話，第三胎通常會早產，所以佢計劃由8月1日起便留在家等生BB來臨。
太太雖然腹大便便，楊哲安仍同佢拍拖出席活動。
楊哲安：追仔老婆話事
腹大便便，屋企又有兩個女兒要照顧，Nicola會唔會好辛苦呢？佢話，有時都要發吓惡。生埋呢胎，楊氏夫婦已有三個BB，仲會唔會再追仔呢？楊哲安話：「要老婆話事，我係支持佢所有決定。有三個囡囡已經好開心，可遇不可求。」
