踏入七月下旬，學生都開始放暑假，不過，唔少家長就開始為子女新學年綢繆，日前下午四點幾鐘，我哋喺中環太子大廈遇到前政務司司長唐英年嘅太太郭妤淺，當時就見佢喺一間文具店入面左睇右睇，似乎要選購一啲心水物品。

子女暑假做義工，唐太就做定後勤支援。

只見一名店員主動向唐太介紹產品，而唐太亦買咗幾件細小物品，睇真啲，原來係啲細細件嘅紙手工，不過，係咪買畀子女嘅？唐太話，佢啲仔女每年放暑假都會有好多活動，今年都參加咗義務工作，所以希望佢哋整啲小手作嚟氹吓小朋友開心，等佢哋唔使游手好閒喎！

第一手消息請下載on.cc東網iPhone/iPad/Android/Windows Phone Apps