政壇：長毛促何沛謙辭職明志

香港電視網絡之前申請免費電視牌照被否決，早前又再申請過，政府就此作公眾諮詢，尋日立法會資訊科技及廣播事務委員會討論有關問題，長毛梁國雄發言時，就將通訊事務管理局主席何沛謙擺上枱，話佢應該辭職明志喎，何沛謙一於懶理，話拒絕回答呢啲「假設性問題」。

長毛話，通訊事務管理局建議過發牌，但政府唔聽，依家又嚟諮詢，形容咁樣等於何沛謙被「一而再，再而三蹂躪」咁話喎。

長毛之後愈扯愈遠，仲無喇喇話：「以前婦女被人玷污咗名節，以死明志，但現代社會唔使o架，以『走』明志就得o架喇，依家你（何沛謙）以『辭』明志得唔得先？」長毛雖然寸寸進逼，但何沛謙卻無意接招，一度以「假設性問題」拒絕回答。