政壇：財經界靠「跳舞」升職加薪

近排睇到求職網站eFinancialCareers有個調查，話香港有百分之二十二嘅金融專才未搵到新工之前，就已經炒老細魷魚，嚇佢哋要辭職嚟博升職加薪。睇番新加坡同內地，分別都係得百分之十二同百分之四嘅金融專才識得用呢招咋。

千祈唔好諗住咁樣「跳草裙舞」係屎橋一條，偏偏就有百分之七十八用過呢條蠱惑招嘅受訪者成功食胡，博到升職兼加薪。

不過，eFinancialCareers亞太區總監Neil Clark就覺得，雖然大部分人可以靠呢招食胡，但佢地同上司之間嘅信任都會直接受影響，所以唔建議大家用「跳草裙舞」做談判手段。