政壇：莫乃光聽抒情歌唔「激進」
依家興喺網上下載歌曲，無論係用MP3或者用手機聽，聽歌模式已經數碼化。但身為IT人嘅立法會資訊科技界議員Charles莫乃光，就寧願買CD碟慢慢聽。早前有日晚上大約八點，Charles出現喺金鐘大型商場CD舖，見佢一邊揀，一邊聽電話，好快趣就揀咗幾隻七、八十年代抒情英文歌曲精選CD，然後畀錢離去。
莫乃光一邊聽電話，一邊揀CD。
Charles話自己係懷舊嘅人，呢啲歌都係佢喺美國讀書時代嘅流行曲。佢自嘲雖然身在IT界，但係聽歌就唔IT，事關佢懶得在網上搵歌下載，簡簡單單買隻CD就有好多靚歌，唔使煩。佢又話享受將CD放入CD機播放嘅傳統聽歌模式喎！Charles咁鍾意聽抒情舊歌，難怪佢寧做溫和民主派，同激進民主派唔啱Key喇！
