潮語所謂嘅「下架」，意思即係將一啲本來賣緊嘅貨物下架，回收唔再賣。呢個本來係零售界嘅用語，通常指一啲有問題嘅貨品，或者一啲突然被禁嘅物品，就會被「下架」。

點樣嘅人民，就有點樣嘅政府？定係點樣嘅政府就有點樣嘅人民？呢啲絕對係雞先定蛋先嘅問題。好似中華民族，雖然近代經歷百多年嘅苦難，但本來喺解放前，中華文化大抵能夠保持到。人民受幾千年儒家思想影響，大部分能守禮講孝道有氣節。但好唔好彩，一個靠勾結外國勢力，信奉蘇維埃共產主義呢啲不符合中國國情嘅西方思想政權，「解放」中國之後，中華文化慘遭摧毀，人民經歷六十年統治之後，產生咗質變，成為今時今日嘅「新中國人」。「新中國人」面貌到底係點？相信唔使多講。依家呢個改變咗億萬中國人同搗毀咗五千年中華文化嘅勢力，正向香港呢個曾受西方統治一百五十年嘅小城邦，伸出祿山之爪。香港統治階層不以香港人為本，不斷出賣我城利益，要香港文明與北方同流合污。你睇嗰份「白皮書」，連國際條約，中國都視如無物，再唔將本嘢「下架」，香港冇將來。

例如某超市早年因為用「油魚」當「鱈魚」賣，食到人肚屙，之後就要將啲貨全部「下架」。又例如某涼茶工廠，湯品被驗出有菌，貨品亦要被「下架」。

後來，呢個詞語引伸到一啲非貨品類，例如政府政策，又或者一啲諮詢文件，如果有問題又或者不合民情，都會被要求「下架」，即係撤回有關方案，又或者係從官方網頁中移除。好似早年國民教育同埋嗰本臭名昭著嘅中國模式教材，就喺市民、學生同家長嘅噓聲反對聲之中「下架」。

「下架」嘅相反詞係「上架」，即係「上市」或者「推出」嘅意思。超級市場一般都會收取高昂嘅「上架」費，對一啲新產品推出造成阻力。下星期聽講政府會就政改方案向立法會作報告，到時睇吓政府又推啲乜嘢「上架」！

第一手消息請下載on.cc東網iPhone/iPad/Android/Windows Phone Apps