政壇：fb「抗保羅」群組過千人讚好
七一遊行之後，政治討論日趨激烈，聖公會大主教鄺保羅早前喺講道中，指參加七一遊行嘅市民係出於羊群心理，又「笑指」佔領遮打道嘅被捕示威者不滿一度無法去廁所同用膳，咁應該帶埋菲傭去參加集會，結果惹來部分基督徒網民不滿，上周日在社交網站facebook設立「我係基督徒，鄺保羅不代表我」（圖）嘅群組專頁，至尋日中午，已有超過一千六百人「讚好」。
開設該群組嘅網民仲發起聯署聲明，批評鄺保羅在講道中揶揄市民，有失牧者風範同操守，又指鄺作為宗教領袖，言論有代表性，應避免予人認為佢係政治權力嘅代理人喎。我哋曾嘗試搵鄺保羅回應，但始終未能聯絡上。
