港人消費信心首遜中澳台，身為商經局局長嘅蘇卡片偏偏無咩表示，李衞睇唔過眼，即刻搵佢傾傾點解決。
李衞︰市民無信心消費，點解決？
蘇卡片︰其實都唔係壞事，使咩解決？
李衞︰仲敢講呢啲，你知唔知醜？
蘇卡片︰唔消費咪可以儲多啲錢，積穀防饑囉，儲埋總有機會用到嘅！（李衞一拳打向蘇卡片。）
蘇卡片︰你做咩打我？
李衞︰樓貴物價高，買嘢都唔夠畀，仲同我講積穀？谷到一肚火就有，見到你咪就係好機會，儲埋嘅怒火仲唔盡情發洩咩？
蘇卡片︰@@##!@#$$%
