SUN揭秘：盼企業倣效貢獻社會
【本報訊】近日正值派卷旺季，Jo估計會有更多學生到餐廳領取獎勵，平均每星期派發四、五個「努力學生餐」。訪問期間，小三學生Carrie跟媽媽帶着滿分的常識科試卷，到餐廳享用免費學生餐。「初時有學生經過，都會話『滿分好難呀，我邊做到喎！』」Jo亦明白每個學生能力不同，有學生曾經向她表示，即使付出了努力，有進步仍未能考獲滿分，「咁我都會請佢飲杯嘢，想畀佢知，努力係唔會白費！」
期望客人幫手宣傳
「努力學生餐」計劃推行至今大半年，餐廳共派出超過四十份學生餐。就如一般的待用餐券計劃，學生餐主要靠餐廳生意及客人捐款贊助，客人捐出半個餐的價錢，餘額由餐廳支付，「我哋都好少呼籲客人贊助，客人幫手宣傳，畀多啲家長同學生知道計劃已經好好！」她希望餐廳付出的心意，能鼓勵更多企業倣效，各人都可為社會貢獻正能量。
