鍾少權（後排右三）讚一班年輕人跳舞精彩。
「為咗跳舞，你可以去到幾盡？」唔好以為呢句說話只係適合Hip hop友講啊，平日唔少斯斯文文嘅Banker其實都好鍾意跳舞o架！好似永隆銀行助理總經理Derek鍾少權咁，早前出席由永隆贊助嘅「舞動健康校園」計劃結業禮，見到一班年輕人跳舞跳得咁精彩，都想跳埋一份！
「舞動健康校園」計劃唔止淨係跳舞咁簡單，呢個計劃培訓超過一百名邊青，成功將Hip hop融入校園。喺上星期六嘅結業禮上，一班學有所成嘅同學仔一齊上台表演，個個都拍晒手話好精彩。同學仔學跳Hip hop後不但變得正面，而且仲好有自信，搞到Derek都好慨嘆讀書嗰時無學跳Hip hop，仲話時光倒流嘅話一定要學。
Derek望可邀請今次活動嘅協青社嘻哈學校導師，去永隆教同事跳舞，等大家下年Annual dinner可一show舞技，實行搞永隆狂舞派啊！
第一手消息請下載on.cc東網
