城中鏡：楊章桂芝派熊貓畀街坊

熊貓巡遊熱爆香港。新華旅遊董事總經理楊章桂芝（Cindy）都湊熱鬧，日前由四川運送一千五百九十九隻熊貓公仔到港，將免費派發予港人，宣揚保育訊息。原來呢批熊貓係由四川省旅遊局送出，賀Cindy公司四十歲生日，Cindy收到呢份大禮都喜出望外，一於公諸同好派街坊，等大家唔使追「快閃熊貓」追到氣咳喎。抵港的熊貓公仔依家棲身喺Cindy嘅銅鑼灣公司，大小熊貓放滿每一角落，十足熊貓展館。待明日舉行剪綵儀式後，逾千隻熊貓公仔就會派畀街坊，先到先得。灣仔區議員伍婉婷收到風，尋日率先上去一睹壯觀的「熊貓海」。