SUN搞作:打橫嚟講:乜太上身問大主教
嗱嗱嗱!我唔係乜太上身呀!
我嚟真o架!當我睇新聞,聽到去年啱啱獲任為全國政協委員嘅香港區聖公會大主教鄺保羅狂插今年七一遊行的年輕人那番話之後,我唔會故意為上街遊行人士講好話,我只講真話。
我今日講呢番說話,唔係公關伎倆,亦唔係語言偽術……
無論那五十一萬人叫過乜嘢口號、做咗啲乜嘢,佢哋永遠係我……(我在哽咽)……都係我心愛同敬佩嘅香港人,我係永遠永遠都咁支持佢哋嘅……
呢件事純粹係我哋香港本土自己嘅家事,同天國聖境無關嘅……
佢自己,喺傳媒得到片面訊息,妄自肆意用一啲涼薄、刻毒的說話,作出惡意批判……
恕我直言,佢啲行為唔單止顯露出佢嘅淺薄、無知,而且冷血、涼薄……
當我知道鄺君佢原來係一位基督教大主教時,我不禁抽一口涼氣,我實在為一眾虔誠教徒,有件咁樣一位所謂主教,覺得擔憂。(講到呢度,我耍了一招單指螳螂拳嘅刁手o架!)
鄺大主教提到,我哋唔出聲就好似啞咗咁,又話我哋心裏面完全無平安,叫口號時唔知自己叫乜嘢,仲寸被捕啲人驕生慣養,「不如帶埋菲傭去(上街)」。
咁嘅德行、咁嘅質素的大主教,相信,在天堂裏都唔會搵到,只能在中共疆域裏才有!
我想問鄺主教一句,假如你仲未啞的話,你還會再敢講多一次屁話嗎?
全港記者等緊你回應的,請勿龜縮。
問你知乜嘢係七宗罪嗎?
彭志銘
次文化考古學家,對城中潮語有深入研究,博徵博引,廢官廢人行埋一邊。
歡迎add我facebook一齊(目及)實政府