IT業最重視人才，身兼金山軟件主席嘅小米創辦人雷軍最近就用股票獎賞員工，將佢個人持有、約值9,300萬港元嘅金軟股份，分派畀金軟全體員工，以感謝員工嘅支持同激勵士氣。

據網上披露由雷軍發出嘅內部電郵，雷軍此舉係要感謝員工過去三年嘅支持同公司所獲嘅成績，佢向董事會建議將自己三年前做公司主席時，獲授嘅400萬股金軟股份，以每人1,000股嘅方式，平均派畀金山所有正式員工，呢批股有兩年禁售期，但以金軟尋日收報23.45元計，每位員工獲分嘅持股就超過2.34萬港元喇。

雷軍仲好感性咁話，金軟短短三年間嘅成績，係員工嘅努力，又強調佢永遠以作為金軟員工嘅身份而自豪喎！

第一手消息請下載on.cc東網iPhone/iPad/Android/Windows Phone Apps