「局長，香港樓價咁高，租又貴，你叫我哋啲小市民點算？」運房局局長炳炳聽着埋怨，一臉難以置信，「唔會啩，我知有地方月租三、四千蚊，二百呎左右，你有無興趣？」

「真係o架？但三、四千蚊實係劏房啦，會唔會有咩大問題？」小市民狐疑地問。炳炳不慌不忙，「依家係夏天，間房會有小小熱，不過有冷氣，唔會有咩大問題嘅。」小市民猶豫不決，炳炳再游說，「雖然係貨櫃劏房，但今時今日呢啲筍盤點搵呀？好過你無瓦遮頭啦！」

小市民抹抹汗，「局長，我怕熱，『小小熱』即係有幾熱先？」炳炳呷口冰水，「哦，都係高過室外幾度啫。」小市民驚訝得張大嘴巴，「依家成三十幾度，仲要高幾度，熱鬼死人咩！」

炳炳神色一轉，「你又知嘅？仲想問你怕唔怕『污糟嘢』，怕就請番個師傅……」

第一手消息請下載on.cc東網iPhone/iPad/Android/Windows Phone Apps