中一適齡學童人口下跌,多區學額過剩,中學謝絕叩門。教育局局長吳得掂面對困局,無計可施,淨係識死撐狡辯……

吳得掂︰唔關我事,最衰都係貪曾,如果唔係佢開放「雙非」,都可以用殺校解決。

李衞︰淨係識頭痛醫頭,殺咗校遲啲適齡學童多番又點?

吳得掂︰咁……今天事今天做,明天事自然係明天先算。

李衞︰@#$%,咁依家學額過剩問題又點解決?成批班房唔通由佢丟空?

吳得掂︰其實學校都謝絕叩門啦,丟空問題佢哋都搞得掂……

李衞︰丟丟丟,我丟你入去就真!

吳得掂︰點解要丟我?

李衞︰學校都搞得掂難題,仲要你個吳得掂嚟做咩?丟你入去班房做人辦,教啲學生咪卸膊仲實際!

第一手消息請下載on.cc東網iPhone/iPad/Android/Windows Phone Apps