預測香港經濟一啲都唔易o架,國際金融中心既受外圍經濟影響,又受內地政策牽引,但恒生銀行經濟師好勁,估舊年實質本地生產總值同埋通脹都99%準確,唔係亂咁噏當秘笈。

馮孝忠帶領嘅經濟研究團隊預測GDP增長同通脹都好準確。(資料圖片)

恒生喺一二年底嘅時候估舊年GDP增長同埋通脹分別係3%及4.3%,政府今年初公布實質數據,通脹數據全中,而GDP就有少少誤差,減0.1個百分點就拎100分,因為咁,調查機構Consensus Economics就頒咗個「最準確香港經濟預測獎」畀恒生,唔知呢間行班經濟師係咪有玻璃球可以預測未來o架呢?

講緊嘅係由恒生執行董事兼環球銀行及資本市場業務主管馮孝忠帶領嘅經濟研究團隊,成員包括經濟研究同人民幣業務發展部主管顏劍文,同埋高級經濟師林俊泓、姚少華、薛俊昇四位。佢哋四位估今年經濟增長同埋通脹分別達3.3%及4.3%,好似都唔錯咁,但零售銷售額增長預測就由13%大削到5%,咁香港經濟咪大鑊?希望零售數字唔好咁差就好喇!

第一手消息請下載on.cc東網iPhone/iPad/Android/Windows Phone Apps