名模Janet馬詩慧同藝人王敏德現年十九歲嘅次女Irisa王麗嘉，深得父母優良遺傳，身高178cm，身材均勻，愈大愈索嘅佢更有點英國超模粗眉模Cara Delevingne氣質。原定九月會前往波士頓讀室內設計嘅Irisa，早前同媽咪傾談後，或有機會轉往紐約讀書，趁課餘到紐約當地嘅模特兒公司試鏡，爭取踏台機會。

馬詩慧話做模特兒要趁早做，囡囡依家係時候入行。

王麗嘉坦言對行騷好感興趣。

Janet話：「做模特兒要趁早做，就好似生仔咁，佢係時候要生，過咗就會超齡，自己都係二十歲入行，佢十九歲係時候，不過佢有幾個朋友都會去波士頓讀書，佢又好期待過去讀書，但另一方面，佢又講過唔止一次想行Victoria's Secret內衣騷，model做到呢個騷係一個榮譽，所以好矛盾。」

佢為愛女不時向身邊時裝人打聽Victoria's Secret嘅資訊，問到係咪希望愛女繼承其衣鉢？佢笑說：「繼承？你估我有十億遺產咩？好多人想做，但無條件。佢有條件，點解嘥咗佢。」曾行過唔少學生時裝騷嘅Irisa就話尚未清晰自己嘅方向，但對行騷好感興趣。

第一手消息請下載on.cc東網iPhone/iPad/Android/Windows Phone Apps