立法會財務委員會日前通過新界東北發展前期工程撥款，財委會主席星星被人指「強行」表決撥款，全城插爆，不過佢一啲都唔知衰咁，仲話自我感覺良好，李衞就問吓佢點解咁睇得開。

李衞︰你被全城怒插，仲可以自我感覺良好？

星星︰估唔到行出街都冇畀人鬧！

李衞︰我係你就匿埋算啦！

星星︰怕咩嘢先？冇人鬧不特止，仲有人讚我做得好添呀！

李衞︰仲咁得戚，唔知衰喎。

星星︰實有人鍾意同唔鍾意，學鬍鬚曾話齋，hard choices嘛，邊得嚟次次皆大歡喜o架？

李衞︰之但係七一咁多市民上街，你估有幾多人係為咗你嗰次表現而出嚟嘅呢？

星星︰睇唔到、聽唔到、睇唔到、聽唔到……

李衞︰#^$&@!!!@@@@@!

第一手消息請下載on.cc東網iPhone/iPad/Android/Windows Phone Apps