城中鏡：何倍倩忽然變怪獸家長
恒生新抱何倍倩以露肩裙出席自己投資嘅LCA Beauty精品店開幕發布會，明艷照人嘅佢表示投資咗七位數字。問佢搞生意，老公會唔會詐型時，她笑說：「有，但其實佢好鼓勵我做生意，不過驚我時間分配會有問題，始終我依家有三個小朋友要照顧。」
何倍倩出席精品店開幕發布會，笑稱老公因佢搞生意詐型。
何倍倩嘅大仔依家四歲，讀緊幼稚園K2，佢坦承不知不覺間做咗怪獸家長，佢話：「我之前唔係怪獸家長，我好Free，但個仔愈大，我就變得怪獸家長。暑假就到，個仔要玩之餘，我都安排咗一連串暑期活動畀佢，好似踢波、游水、國語同畫畫，文武都有，佢真係好忙。因為開始考小學，我個仔嗰年出生率好高，小學愈嚟愈難考，所以小朋友要訓練吓，況且依家考小學唔單止考小朋友，家長都考埋，大人同小朋友都有壓力。」咁囝囝有冇詐型？佢話：「咁又冇，不過佢覺得嗰啲自製鮮花公仔好得意，仲叫我攞多啲返嚟！」
