曾老師走進教學這條路，全因當年老師對她的不離不棄。「如果當年唔係有幾位老師不斷鼓勵我，就唔會有今時今日嘅我﹗」她祖籍福建，十歲時由內地來港，說着半鹹半淡廣東話，人生路不熟，毫無自信，「落到嚟讀四年班先開始學ABC，直至中一先學英文文法，真係落後其他人好多。」

轉眼今天，她已為人師表，還說得一口流利英語，簡直判若兩人。「佢哋唔單止私底下幫我惡補廣東話，仲畀錢我上英文補習班改善發音。」最終，她英文科成績由中一的全班「包尾」，到中四時考獲全班第一名。她更自此立志當老師，「呢段經歷令我覺得做老師真係好偉大，好想好似佢哋咁去幫其他人。」

她現時任教的學校內有不少英文程度較差的學生，為了幫助他們提升英語能力，她堅持每天早上七時回到學校，甚至利用自己的午飯時間，來聽學生讀英文報紙，「既然學生都肯堅持，我又有咩理由放棄呢？」

第一手消息請下載on.cc東網iPhone/iPad/Android/Windows Phone Apps