講咗成年話要佔中嘅泛民主派，尋晚肯與學生同行嘅立法會議員只得白鴿黨嘅「AV仁」何俊仁、工黨嘅李卓人同街工嘅梁耀忠，社運人士亦得番陶君行、黃浩銘等人。我哋一於捉晒啲泛民逃兵出嚟逐個數！

設計圖片及對白

慢必袋巾傑無影

泛民政黨亦唔好得好多，一向喺社運走在最前線嘅人民力量，議員「慢必」陳志全同「大舊」陳偉業雙雙失蹤，大舊事後喺社交網站解釋，一旦被捕就趕唔切喺尋日工務小組委員會同立法會大會「拉布」喎。至於熱血公民黃洋達都臨陣退縮，唔通佢要趕住做網台節目？

喺立法會坐擁六席嘅公文袋，全數議員遊行完後都做晒逃兵，該黨就解釋話，因為佢哋響應佔中三子所講，依家唔係佔中嘅最好時機，所以冇同學生並肩作戰。而黨魁「袋巾傑」梁家傑又解釋話，佢哋隨時要為示威者提供法律支援喎。咁講法，唔知仲以為香港得番佢哋幾個大狀。咁唔知佔中正式上演之時，班大狀係咪真係肯拋個身出嚟呢？

第一手消息請下載on.cc東網iPhone/iPad/Android/Windows Phone Apps