打工仔鬧爆交通費急增
【本報訊】「有乜理由車費就係咁加，但服務質素就愈嚟愈差？」遊行人士之一的設計師姚先生，每天要由大角咀乘巴士到中環上班，但近年交通費不斷加，大大增加他的日常開支，「呢幾年九巴加咗好多次，依家唔計假期去街，每個月都要成千蚊搭車返工，最激氣係服務無進步！政府真係要檢討吓，依家個可加可減機制，係咪仲可以繼續行落去。」
姚先生不滿近年交通費愈加愈貴，大大增加他的日常開支。
莫小姐斥責港鐵事故頻生，令她每日上班也擔驚受怕。
任職秘書的莫小姐，則每天要乘搭港鐵上班，來回交通費最少需要五十元，「依家交通費仲多過食嘢同買嘢！」
莫小姐除了不滿車費急增外，最氣憤的是港鐵提供的車費減免優惠，她根本無法享用，故此決定上街以示不滿，「我每日返十放七，唔符合佢哋個優惠資格，對我嚟講完全無用。」而近年港鐵事故頻生，令她每日也擔驚受怕，「成日都驚列車延誤，搞到我遲到返工。」
