落水狗貪曾受查多時，作惡多端嘅佢依家可以話係等落鑊，人人唾而遠之，難得佢喺鐵窗生涯之前仲獲邀出席活動，呢隻咁嘅貪曾點會執輸吖！

就喺到達會場之際，貪曾個狗鼻，吖，應該係比狗鼻更靈敏嘅貪鼻先啱，遠遠已經嗅到鮑魚蟲草紅酒嘅氣息，雖然呢啲佢通通都食慣飲慣，但係唔使錢嘅嘢，貪曾又點會肯放過呢？

就係咁，鮑魚同紅酒又再充塞住佢裝草嘅腦袋，冷不防在場記者一問：「貪曾呀貪曾，貪腐審判煮到埋嚟，有冇諗住鬼祟逃走？」

好一個貪曾，果然貪入忘我境界，聽在耳裏的竟變成「鮑魚三罐煮到埋嚟，有冇諗住添啲紅酒？」諗到邊歎鮑魚邊飲紅酒，貪曾即時面露饞相，笑住高舉右手拇指讚好，而呢一幀照片，相信喺不久將來，必定成為香港貪腐歷史教材嘅必然之選。

第一手消息請下載on.cc東網iPhone/iPad/Android/Windows Phone Apps